Кітайскі мільярдэр купіў 20% акцый мадрыдскага «Атлетыка»

Кіраўнік найбуйнейшага кітайскага перавозчыка Wanda Group Ван Цзяньлінь набыў 20% акцый гішпанскага клуба.

Угода на суму 52 мільёны даляраў была падпісаная ў Пекіне паміж Ван Цзяньлінь і прэзідэнтам мадрыдскага клуба Энрыке Серэса, піша "Прессбол".

Угода прадугледжвае адкрыццё ў Кітаі трох футбольных школ "Атлетыка" і магчымы тур каманды ў краіну пазней у 2015 годзе. Акрамя таго, бакі маюць намер сумесна інвеставаць 34 мільёны даляраў у моладзевы цэнтр у Мадрыдзе, дзе будуць выхоўвацца маладыя футбольныя таленты з Кітая.

Агенцтва Сіньхуа са спасылкай на кампанію паведамляе, што ў сапраўдны момант Wanda Group ужо спансіруе моладзевы трэніравальны цэнтр у Гішпаніі, дзе знаходзяцца 90 маладых кітайскіх футбалістаў. Чакаецца, што за два наступныя гады іх колькасць павялічыцца да 180 чалавек.

Ван Цзяньлінь займае 42-ы радок у рэйтынгу Forbes. Ягоныя багацці ацэньваеюцца ў 13,2 мільярда даляраў.