Дзень музейнага сэлфі ўпершыню пройдзе ў Беларусі
- 21.01.2015, 12:39
- 3,015
Сёлета акцыя пройдзе і ў Беларусі - да яе далучыцца Мемарыяльны музей-майстэрня З.І. Азгура.
Летась Міжнародны музейны праект Culture Themes прапанаваў інтэрнэт-карыстальнікам зладзіць флэш-моб - выкласці ў сацыяльныя сеткі свае сэлфі на фоне музейных экспанатаў.
22 студзеня 2014 г. Culture Themes, узброенныя лозунгам Нацыянальнага музея ў Кабуле «Нацыя жыве, пакуль жыве культура», заклікаў наведвальнікаў музеяў ва ўсім свеце рабіць сэлфі і выкладваць іх у сетку з хэштэгам #MuseumSelfie. Тады да акцыі далучылася вялікая колькасць музеяў, паведамляе tut.by.
Сёлета акцыя пройдзе і ў Беларусі - да яе далучыцца Мемарыяльны музей-майстэрня З.І. Азгура. Зрабіць сэлфі на фоне музейных экспанатаў і выкласці яго ў сетку з хэштэгам #MuseumSelfie там можна будзе 22 студзеня з 10:00 да 20:00.