Танкі Т-80БВ з Беларусі знішчаныя ў Йемене
23- 21.01.2015, 20:31
- 36,590
Некалькіх беларускіх танкаў Т-80 БВ страчаныя ў баях з паўстанцамі ў Йемене.
Партал vestnik-rm.ru паведамляе пра страту некалькіх беларускіх танкаў Т-80 БВ у баях з паўстанцамі ў Йемене. Так, адзін танк быў захоплены баевікамі групоўкі "Ансар Алах", іншы быў імі знішчаны.
Падчас баёў 19-20 студзеня баевікі руху "Ансар Алах", які кантралюе захад і поўнач краіны, а таксама большую частку сталіцы, захапілі прэзідэнцкі палац, казармы прэзідэнцкіх гвардзейцаў, а таксама будынак урадавага інфармацыйнага агенцтва.
66 танкаў Т-80БВ рыхтаваліся на экспарт на 140-м танкарамонтным заводзе, а аднаўленне газатурбінных рухавікоў праводзілася ў Харкаве. Удзел Т-80БВ у баях на тэрыторыі Йемена стаў першым выпадкам, калі машыны дадзенай мадэлі ваявалі за межамі Расеі. Раней іх выкарыстоўвалі толькі на Паўночным Каўказе.
Пасля распаду СССР беларускія вайскоўцы атрымалі 92 Т-80БВ. Аднак асноўнай баявой машынай стаў Т-72Б, таму рэактыўныя танкі вырашылі прадаць за мяжу.
Раней вайсковыя эксперты меркавалі, што невысокі ўзровень падрыхтоўкі Йеменскіх танкістаў можа стаць прычынай страт бронетэхнікі, што ў канчатковым выніку і адбылося.
Фота: Reuters