Дэпутат - расейцам: Няма грошай? Трэба менш есці

Дэпутат-адзінарос Ілля Гафнер распавёў, што рабіць, калі не хапае грошай на ежу.

Ён параіў расейцам менш харчавацца. Пра гэта Ілля Гафнер заявіў у каментары расейскаму «Четвертому каналу» падчас рэйду па крамах з мэтай праверкі коштаў.

Свярдлоўскі дэпутат канстатаваў, што за год прадукты падаражэлі на 25%.

«Гэта не так страшна... Калі не хапае грашовых сродкаў, трэба ўспомніць аб тым, што мы ўсе расейцы, рускія людзі, мы прайшлі і голад, і холад... Трэба проста задумацца аб уласным здароўі: паменш харчавацца, напрыклад», - параіў Гафнер.