Фотафакт: Як замаскіраваць пустыя паліцы ў краме

Дзяржаўная харчовая крама стварае бачнасць «багацця».

Фота даслаў у рэдакцыю чытач Барыс Самковіч у горадзе Дуброўна Віцебскай вобласці.

«Зайшоў я тут у краму смятанкі купіць... У гэтай краме закупляўся паўтара года - ніколі такога не было. Гэтая крама належыць дзяржканторы «Белкаапсаюз», сам гаварыў з прадаўцамі: тыя распавядалі, што ў канцэрна проста няма грошай аплачваць рахункі за тавары, так як прыбытак ідзе ў дзяржбюджэт», - піша ён.

На фота - тэхнічна не пустыя паліцы, але бедны асартымент малочнай прадукцыі расстаўлены на паліцах хітрым чынам, ствараючы ўражанне разнастайнасці прадукту.