Мінабароны: NATO засяроджвае ля межаў Беларусі цяжкае ўзбраенне
48- 23.01.2015, 17:49
- 52,167
Міністэрства абароны Беларусі заявіла аб змене вайскова-палітычнай сітуацыі ў рэгіёне.
Пра гэта сайту charter97.org паведамілі ў прэс-службе ведамства.
«Неабходна адзначыць, што завяршэнне 2014 было адзначана небывалай у маштабах актыўнасцю прыбалтыйскіх дзяржаў у інтэнсіфікацыі мерапрыемстваў аператыўнай і баявой падрыхтоўкі, - гаворыцца ў паведамленні. - Пры гэтым сумежнымі дзяржавамі дэманструецца імкненне да нарошчвання замежнай вайсковай прысутнасці на нацыянальных тэрыторыях. Разам з узмацненнем авіяцыйнага складніку краін-чальцоў NATO ў краінах Балтыі, якія выконваюць функцыі ў ахове паветранай прасторы, альянс планамерна засяроджвае ля межаў Рэспублікі Беларусь дадатковыя воінскія кантынгенты, абсталяваныя цяжкім узбраеннем. Па-за залежнасцю ад геапалітычных перадумоў для прыняцця гэтай пастановы нашымі замежнымі партнёрамі, Рэспубліка Беларусь не мае права ігнараваць змены вайскова-палітычнага становішча ў рэгіёне, якія нясуць у сабе дадатковыя рызыкі, выклікі і пагрозы ваеннай бяспекі дзяржавы».
Гэтыя аспекты, паводле звестак ведамства, былі ўлічаныя вайскова-палітычным кіраўніцтвам Беларусі пры фармаванні Плана падрыхтоўкі Узброеных Сіл у 2014/2015 навучальным годзе.