Навукоўцы замарудзілі хуткасць святла
7- 23.01.2015, 20:06
- 12,555
Падчас даследавання навукоўцы вымяралі хуткасць распаўсюджвання святла ў вакууме.
Брытанскія фізікі паведамілі аб назіранні фатонаў, якія перамяшчаюцца ў вакууме з хуткасцю, меншай за хуткасць святла, паведамляе Корреспондент.net са спасылкай на New Scientist.
Як вядома, хуткасць святла ў вакууме з'яўляецца фундаментальнай фізічнай сталай і роўная прыкладна 300 тысячам кіламетраў у секунду. Аднак хуткасць менш, калі святло распаўсюджваецца ў асяроддзі.
З гэтым звязаная і з'ява праламлення святла. Так, аб'ект, змешчаны ў ваду, праз праламленне здаецца размешчаным бліжэй, чым ёсць на самой справе.
Падчас даследавання навукоўцы вымяралі хуткасць распаўсюджвання святла ў вакууме. У такім асяроддзі вектары напружанасці электрычнага і магнітнага палёў у плоскай хвалі вагаюцца перпендыкулярна адзін аднаму і кірунку распаўсюджвання хвалі, а паверхня, да якой дайшлі ваганні, з'яўляецца плоскасцю.
У больш складаных выпадках сітуацыя іншая. Прадэманстравалі гэта на прыкладзе прамянёў Гаўса і Беселя. У першым выпадку размеркаванне напружанасці электрычнага поля ў папярочным сечыве набліжана апісваецца функцыяй Гаўса.
Навукоўцы сачылі за парай фатонаў, атрыманых адначасова пры дапамозе ультрафіялетавага лазера. Адзін з іх быў звычайным, а другі - такім, як у адным з прамянёў Гаўса або Беселя. Выявілася, што адлегласць ў адзін метр другі фатон праходзіць з затрымкай на некалькі мікраметраў. Гэта азначае, што ягоная хуткасць менш за хуткасць святла ў вакууме прыкладна на адну тысячную працэнта.
Паняцце інварыянтнасці (нязменнасці ці сталасці) хуткасці святла дастасавальнае толькі для плоскіх хваляў, лічаць навукоўцы. У выпадку, калі хвалі маюць больш складаную структуру, як прадэманстравалі фізікі, магчымыя эфекты, якія паніжаюць хуткасць святла.
Прычыны, з якіх назіраная хуткасць была менш за хуткасць святла, навукоўцы хоць і звязалі са структурай хвалі, канкрэтна так і не назвалі. Паводле слоў фізікаў, яны праводзілі эксперыменты толькі з фатонамі, распаўсюджваюцца на адлегласць ў адзін метр. Навукоўцы выказалі здагадку, што эфект памяншэння хуткасці святла праяўляецца толькі на малых адлегласцях і яго няма на вялікіх.
Фота: Wikimedia Commons