Ад расейскіх абстрэлаў Марыупаля загінула 10 мірных грамадзян, мінімум 46 параненых
28- 24.01.2015, 13:40
- 25,972
Украінскі горад Марыупаль сёння падвергнуўся масіраванаму абстрэлу з боку прарасейскіх баевікоў.
У выніку абстрэлу баевікамі Марыупаля, жылога сектара ў раёне вуліц Кіеўская, Алімпійская, 1 траўня, загінулі 10 чалавек.
Пра гэта паведаміў кіраўнік абласной управы МУС Данецкай вобласці Вячаслаў Аброськін.
"Інфармацыя ўдакладняецца. Міліцыя горада паднятая па трывозе. На месцы працуе следча-аператыўная група гарадской управы", - дадаў ён.
Сёння а 9.25 тэрарысты ўчынілі чарговы тэрарыстычны акт - з рэактыўных сістэм залпавага агню "Град" абстралялі ўсходнюю ўскраіну Марыупаля.
"Па вуліцы Алімпійскай зафіксаваныя разбурэнні жылых дамоў, інфармацыя што да ахвяр удакладняецца", - гаворыцца ў паведамленні прэс-цэнтр АТА.
Таксама ў прэс-цэнтры падкрэсліваюць, што гэты цынічны абстрэл мірнага ўкраінскага горада красамоўна сведчыць аб рэальнай мэце расейскіх наймітаў - сеяць смерць, страх і разбурэнні, знішчаць інфраструктуру.
"Баевікам абсалютна не патрэбны мір, яны выразна выконваюць заданні Крамля ў эскалацыі сітуацыі на Данбасе", - дадалі ў штабе.