П'яны хуліган у Давыд-Гарадку пагражаў зброяй наведвальнікам крамы
2- 24.01.2015, 15:09
- 6,977
33-гадовы жыхар Давыд-Гарадка прыставіў да скроні пакупніцы пнеўматычны пісталет, папярэдне перасмыкнуўшы затвор.
Спалоханая жанчына кінулася дадому і тут жа паведаміла аб тым, што адбылося, у міліцыю. Хулігана ўдалося затрымаць па гарачых слядах у гасцях за распіццём спіртных напояў. Пісталет ён набыў у Расеі, калі ездзіў туды на заробкі, піша «Медыя-Палессе».
Распачатая крымінальная справа паводле ч.3 арт.339 КК (асабліва злоснае хуліганства). Раней мужчына ўжо прыцягваўся да крымінальнай адказнасці.