ПАРЕ адмовілася праводзіць тэрміновыя дэбаты аб Украіне
1- 26.01.2015, 15:50
- 18,074
Пастанова прынятая на сённяшнім пасяджэнні ПАРЕ.
Парламенцкая асамблея Рады Еўропы (ПАРЕ) адмовілася праводзіць тэрміновыя дэбаты ў пытанні аб эскалацыі сітуацыі на ўсходзе Украіны, піша «Інтэрфакс-Україна».
Група кансерватараў настойвала на правядзенні тэрміновых дэбатаў у пытанні «Эскалацыя падзей на ўсходзе Украіны і спыненне агню», аднак большасць Асамблеі падтрымала рэкамендацыю бюро не праводзіць гэтыя дэбаты ў тэрміновым парадку.
Падчас абмеркавання гэтай прапановы адзначалася, што бюро адхіліла ідэю тэрміновых дэбатаў, паколькі ў рамках сесіі будзе фактычна двойчы абмяркоўвацца тэма Украіны - на 27 студзеня вынесенае пытанне аб гуманітарнай сітуацыі ў гэтай краіне, а ў сераду трэба будзе разглядаць пытанне, звязанае з аспрэчваннем паўнамоцтваў расейскай дэлегацыі - яго ў ПАСЕ звязваюць з украінскімі падзеямі.
Адначасова Асамблея падтрымала прапанову правесці раніцай 28 студзеня тэрміновыя дэбаты па тэме: «Тэракт у Парыжы - сумесны дэмакратычны адказ».
Раней на сённяшнім пасяджэнні ПАРЕ народны дэпутат (фракцыя «Бацькаўшчына»), лётчыца Надзея Саўчанка была зацверджаная чальцом дэлегацыі ўкраінскага парламента ў асамблеі.