Каталікі абураныя Гулякам
31- 26.01.2015, 16:03
- 34,327
Вернікі абураныя заявамі ўпаўнаважанага ў справах рэлігіі і нацыянальнасцяў Беларусі Леаніда Гулякі, зробленымі ім 22 студзеня.
Яны пачалі збор подпісаў пад адкрытым лістом да кіраўніцтва краіны аб тым, што крытыка без фактаў з боку высокапастаўленага чыноўніка абражае вернікаў, іх пастыраў і іх рэлігійныя пачуцці, піша «Крынiца».
У звароце таксама адзначаецца, што такімі заявамі Леанід Гуляка ўносіць разлад у дачыненні дзяржавы і Каталіцкай царквы, спараджае міжканфесійную варожасць.
Нагадаем, Леанід Гуляка 22 студзеня заявіў, што некаторыя ксяндзы з Польшчы спрабуюць займацца ў Беларусі палітыкай, кіраўніцтва Рымска-каталіцкай царквы не зацікаўленае ў падрыхтоўцы сваіх кадраў. Чыноўнік таксама раскрытыкаваў Каталіцкі Касцёл за няправільную, з ягоных слоў, спробу стварэння тэалагічнай акадэміі.
