Астэроід масай $157 млн. тон наблізіўся да Зямлі

Астэроід 2004 BL86 26 студзеня 2015 года, прыкладна ў 19:20 менскага часу максімальна наблізіўся да Зямлі.

Пра гэта паведамляе НАСА на сваім афіцыйным канале ў Twitter, піша Lenta.ru.

Астэроід дыяметрам блізу паўкіламетра і масай $157 млн. тон наблізіўся да Зямлі на адлегласць 1,2 мільёна кіламетраў. Гэта складае прыкладна 3,1 адлегласці ад планеты да Месяца.

Трансляцыю руху астэроіда вядзе «ўжывую» інтэрнэт-тэлескоп Slooh.

Падчас збліжэння з Зямлёй хуткасць аб'екта склала прыкладна 160 вуглавых секунд у хвіліну. Як адзначае НАСА, астэроід не ўяўляе пагрозу для Зямлі. Касмічнае цела было адкрытае 30 студзеня 2004 года сістэмай пошуку малых нябесных тэл LINEAR. Тады ж выяўлены астэроід астраномы аднеслі да ліку патэнцыйна небяспечных і сталі пільна назіраць за ім.

Параметры арбіты 2004 BL86 адносяць яго да групы Апалонаў. Да гэтай жа групы адносіцца і метэарыт, які ўпаў 15 лютага 2013 года ў возера Чабаркуль Чэлябінскай вобласці. Астэроід будзе немагчыма назіраць простым вокам, але, як чакаецца, гэта можна будзе рабіць пры дапамозе моцных аматарскіх тэлескопаў.

Пасля 26 студзеня цела параўнальнага памеру - астэроід 2014 YB35 - падыдзе на блізкую да планеты адлегласць 0,3 астранамічныя адзінкі (11,6 адлегласці ад Месяца да Зямлі) толькі 27 сакавіка 2015 года.