Рынгтан беларускага гурту Dreamlin паставілі на тэлефоны 100 тысяч чалавек (Аўдыё)
9- 27.01.2015, 16:02
- 23,569
Рынгтан беларускай электроннай групы Dreamlin паставілі сабе на тэлефоны больш за 100 тысяч чалавек.
Такую статыстыку абвясцілі распрацоўшчыкі прыкладання Pimp Your Sound для iPhone, піша ultra-music.com.
Стварэннем праграмы займаецца менская кампанія Apalon. З яе дапамогай карыстальнікі могуць выбраць рынгтаны з каталога і паставіць іх сабе бясплатна.
- Мы рабілі рэмікс на песню гурту Cherryvata «Mountainz'N'Space». Калі ён быў гатовы, я сеў за кампутар, прыбраў з яго амаль усе прыкметы арыгінала і паставіў атрыманы мікс сабе на рынгтан, - распавядае ўдзельнік Dreamlin і адзін з распрацоўшчыкаў Pimp Your Sound Ягор Куноўскі. - Я прахадзіў з гэтым рынгтанам дзесьці паўгода. Пазней мы сталі рабіць прыкладанне і падбіралі гукі для будзільніка. Натуральна, мы ўзялі просты званок ад сапраўднага аналагавага будзільніка, лічбавы «БІП-БІП» ад электроннага гадзінніка з ранніх 80-х і ўсталявалі сваю музыку. У канчатковы спіс гукаў трапіў і той самы рэмікс на Cherryvata, але ўжо без вакалу.
У выніку, рынгтан «MnS» стаў адным з самых папулярных гукавых файлаў у дадатку. Паводле стану на студзень 2015 года яго ўсталявалі сабе 101618 чалавек.