Федэрыка Магерыні: Расея будзе максімальна прыціскацца
3- 29.01.2015, 20:45
- 11,863
ЕЗ будзе максімальна ціснуць на РФ, каб вырашыць канфлікт на ўсходзе Украіны.
Кіраўнік еўрапейскай дыпламатыі Федэрыка Магерыні заявіла аб адзінстве Еўразвяза ў пытанні максімальнага гнёту на Расею з мэтай вырашэння канфлікту ў Данбасе, паведамляе ZN.ua.
"Як заўсёды, мы будзем захоўваць адзінства і максімальна ціснуць (на Расею - рэд.), каб спыніць сутыкненні (на ўсходзе Украіны - рэд.) і дамагчыся спынення агню", - сказала Магерыні перад пачаткам пазачарговага пасяджэння Рады ЕЗ у Бруселі.
Таксама яна паведаміла, што абмяркоўвала сітуацыю з прэзідэнтам Украіны Пятром Парашэнкам, а таксама з кіраўніком МЗС РФ Сяргеем Лаўровым.
"Сёння мы правядзем дыскусію і прымем рашэнне ў святле саміту ЕЗ", - адзначыла кіраўнік дыпламатыі.
Фота: Reuters