Місія МВФ у сакавіку пачне працу ў Беларусі
5- 30.01.2015, 11:04
- 4,457
Планавы візіт у Беларусь місіі Міжнароднага валютнага фонду (МВФ) адбудзецца ў сакавіку гэтага года.
"Мы працягваем працу з МВФ. У сакавіку ў краіне будзе працаваць планавая місія гэтай арганізацыі, якая будзе вывучаць нашу сітуацыю. У плане фінансавага супрацоўніцтва мы не выключаем ніякіх магчымасцяў. Але прапрацоўка гэтых пытанняў патрабуе часу, як мінімум некалькіх месяцаў", - паведаміў міністр фінансаў Уладзімір Амарын, паведамляе БелТА.
Уладзімір Амарын растлумачыў, што распрацоўваецца спецыяльная ўрадавая праграма, у якой будуць удакладненыя і замацаваныя паказчыкі сацыяльна-эканамічнага развіцця краіны, а таксама параметры бюджэту і іншыя паказчыкі. У канцы лютага яе плануецца апублікаваць. Ён адзначыў таксама, што Мінфінансаў тэхнічна рыхтуецца да выпуску беларускіх еўрааблігацый, але сітуацыя на рынку каштоўных папер складваецца некамфортна, і казаць пра тое, калі Беларусь выпусціць еўрабонды, пакуль заўчасна.