У Гомельскай вобласці колькасць памерлых перавысіла колькасць народжаных

Колькасць насельніцтва Гомельскай вобласці на 1 студзеня 2015 г. склала 1 млн. 424 тыс. чалавек, паведамляе Галоўная статуправа Гомельскай вобласці.

Натуральнае змяншэнне насельніцтва ў 2014 годзе ў параўнанні з 2013 годам зменшылася на 23,5% і склала 1 077 чалавек. Міграцыйнае змяншэнне ў 2014 годзе склала 458 чалавек, паведамляе БелаПАН.

У 2014 годзе ў вобласці нарадзілася 18 291 дзіця, памерла – 19 368 чалавек, у тым ліку 56 дзяцей ва ўзросце да 1 года. У вобласці ў 2014 годзе колькасць усіх памерлых перавысіла колькасць тых, хто нарадзіўся на 5,9%.

У 2014 годзе ў параўнанні з 2013 годам колькасць зарэгістраваных шлюбаў зменшылася на 5,9%, колькасць разводаў зменшылася на 4,2%. У 2014 годзе на 1 000 шлюбаў прыпадала 411 разводаў, у 2013 годзе - 404 разводы.

За 2014 міграцыйнае змяншэнне насельніцтва склала 458 чалавек і паменшылася ў параўнанні з 2013 годам на 235 чалавек.