«Цмокі-Мінск» нанеслі паражэнне «Чырвоным Крылам»

У матчы 18 тура баскетбольнай Адзінай лігі ВТБ «Цмокі-Мінск» на сваёй пляцоўцы абгулялі самарскія «Чырвоныя Крылы» з лікам 74:66 (25:16, 16:10, 19:21, 14:19).

Гэта трэцяя вікторыя беларускага клуба ў Лізе ў гэтым сезоне, піша «Прессбол».

«Цмокі-Мінск»: Мірковіч (гульнявы час - 30.32) - 15, Мараш (31.31) - 13 + 3 пер, Пастухоў (24.25) - 12, Кудраўцаў (22.28) - 10 + 4 пад + 4 пас, Лашкевіч (29.25) - 8 + 9 пад + 2 блок, Ульянка (18.37) - 7 + 3 пер, Лютыч (15.35) - 5, Барэл (27.27) - 4 + 3 пас.

Галоўны трэнер беларускага клуба Ігар Грышчук адзначыў, што адзіным недахопам яго каманды ў гэтай сустрэчы была расслабленасць, з якой «Цмокі» сталі гуляць, дабіўшыся 15-балаў перавагі.

«Апошнім часам гулялі добра, але праз статус суперніка не маглі дамагчыся вікторыі. Адзіны недахоп - расслабленасць каманды пасля 15-балаў перавагі. Прычына ж спаду ў канцоўцы крыецца ў паспешных пастановах у нападзе. Зрэшты, галоўнае, што перамаглі», - сказаў ён.