Махляр праз Skype падманваў гарадзенцаў

Невядомы зламыснік узломваў рахункі гарадзенцаў і прасіў пакласці грошы на няісны расейскі нумар.

Ашуканцу без цяжкасцяў атрымоўвалася гэта праз лёгкія паролі. Пазней усім асобам са спісу кантактаў ахвяры пачыналі прыходзіць загадкавыя паведамленні з просьбай папоўніць баланс мабільнага тэлефона расейскага аператара праз праблемную жыццёвую сітуацыю. Пра гэта распавялі ў аддзеле барацьбы са злачынствамі ў сферы высокіх тэхналогій УУС аблвыканкама, піша «Газета Слонімская».

Супрацоўнікі УУС рэкамендуюць перыядычна мяняць пароль у Skype і рабіць яго як мага больш складаным. Каб рахунак было цяжка ўзламаць звычайнаму хакеру, пароль павінен змяшчаць не менш за 8 сімвалаў, у ім павінны быць вялікія і маленькія літары, лічбы.