На першым пасяджэнні Еўрапарламента абмяркуюць сітуацыю ва Украіне
- 5.01.2015, 17:39
- 3,826
На парадку дня чарговай сесіі заканадаўчага органа ЕЗ, якая адбудзецца 12-15 студзеня ў Страсбургу, рэзалюцыя аб сітуацыі ва Украіне.
На першым у 2015 годзе пленарным пасяджэнні Еўрапарламента абмяркуюць сітуацыю ва Украіне і прымуць рэзалюцыю. Пра гэта паведамляе Укрінфарм.
«Сітуацыя ва Украіне. Заява віцэ-прэзідэнта Еўракамісіі, высокага прадстаўніка ЕЗ у замежных справах і палітыцы бяспекі», - адзначана ў парадку дня чарговай сесіі заканадаўчага органа ЕЗ, якая адбудзецца 12-15 студзеня ў Страсбургу.
Паводле вынікаў дэбатаў еўрапарламентарыі прагаласуюць за рэзалюцыю аб сітуацыі ва Украіне.
Як вядома, разгляд пытання аб сітуацыі ва Украіне планаваўся ў Еўрапарламенце ў снежні 2014 года, але быў скасаваны.