Цэны на зямельныя надзелы пад Менскам б'юць рэкорды
18- 6.01.2015, 18:58
- 39,967
Статыстыка першага ў 2015 годзе аўкцыёну ў продажы надзелаў у Менскім раёне ўражвае.
58 удзельнікаў і 15 рэалізаваных лотаў на агульную суму 6 мільярдаў 181 мільён рублёў. Цана адразу двух зямельных надзелаў падчас таргоў пераягла 1 мільярд рублёў. Выпадак рэдкі: за ўвесь мінулы год быў прададзены толькі адзін надзел па цане, якая перавышае 1 мільярд. Падрабязная інфармацыя - у табліцы onliner.by.
Самым запатрабаваным сёння апынуўся лот №12 - 15 сотак у вёсцы Старое Сяло (13 км ад Менска ў напрамку Ракава). На яго падалі заявы 12 чалавек. Пачаўшы са 150 мільёнаў рублёў, аўкцыяніст уздымаў цану 20 разоў, пакуль не вызначыўся пераможца. Самы настойлівы з прэтэндэнтаў забярэ зямлю за 1 009 124 000 рублёў, што адпавядае 79 209 далярам паводле афіцыйнага курса Нацбанка. З камунікацый да дзялянкі падведзены толькі газ.
Яшчэ больш дарагім стаў лот №9 - 14,9 соткі ў вёсцы Дзічкі, што непадалёк ад Заслаўя. Падчас таргоў ягоны кошт павялічылася з 300 000 000 рублёў да 1 135 000 000 рублёў (да $89.089). Да надзелу падведзены газ, практычна ў два крокі - бераг возера. Гэтым, відаць, і абумоўленая цікавасць пакупніка.
Надзел плошчай 10 сотак без камунікацый у вёсцы Сялюты, якая прываблівае менчукоў блізкасцю вадасховішча, будзе прададзены за 615 500 000 рублёў ($ 48312). 15 сотак у Заслаўі з электрычнасцю, газам і водаправодам - за 520 194 000 рублёў ($40 831). 13,7 соткі ў Хацежына - за 322 102 000 ($25 282).
Усяго адна заява паступіла на надзел у Дзегцяраўцы, што ў 3 км ад МКАД. Верагодная прычына нізкага попыту - малыя габарыты зямельнага надзела (усяго 5,9 соткі). Лот будзе прададзены па пачатковай цане, павялічанай на 5%, - за 182 700 000 ($14340). Адзінаму заяўніку дастанецца і надзел плошчай 15 сотак у Атоліна - за 227 850 000 рублёў ($17884).
Самы недарагі лот - №15: 10,9 сотак у вёсцы Лысая Гара, што ў 26 км ад МКАД, будуць прададзеныя за 42.871.000 рублёў ($3365).
Вынікі аўкцыёну пададзеныя ў табліцы.
Наступны аўкцыён у Менскім райвыканкаме адбудзецца 16 студзеня. На ім будуць прапанаваныя 15 надзелаў у населеных пунктах Чачкава, Глебкавічы, Пяцеўшчына, Самуэлева, Галіца, Сялюты, Навашына, Самахвалавічы, Слабада, Хацежына, Збаровічы, Касачы, Прылукская Слабада, Лысая Гара і Лысовічы.
