Лекары адмовілі бельгійскаму серыйнай забойцу ў эўтаназіі
11- 7.01.2015, 9:21
- 17,845
Бельгійскія лекары адмовіліся праводзіць працэдуру эўтаназіі Франка ван дэн Блэкэна, асуджанага на пажыццёвае зняволенне за забойства і згвалтаванні.
Пра гэта паведамляе Lenta.ru са спасылкай на BBC News.
Пра прычыны адмовы не паведамляецца.
Пра тое, што асуджаны дамогся правядзення эўтаназіі праз суд, стала вядома 3 студзеня. Пры гэтым адзначаецца, што Ван дэн Блэкэн не пакутуе невылечным захворваннем. Аднак 51-гадовы мужчына прызнае сябе небяспечным для грамадства і адчувае псіхалагічныя пакуты праз учыненыя злачынствы.
Франк ван дэн Блэкэн быў прысуджаны да пажыццёвага зняволення за згвалтаванне і забойства 19-гадовай дзяўчыны больш за 20 гадоў таму. Тады яго прызналі шалёным. Праз сем гадоў, выйшаўшы з лякарні, ён здзейсніў яшчэ тры забойствы, пасля чаго быў асуджаны на пажыццёвы тэрмін.
Бельгійскія ўлады дазволілі эўтаназію ў 2002 годзе. Яе ўжываюць у выпадках, калі пацыент пакутуе невылечнай і пастаяннай фізічнай хваробай або захворваннем псіхікі.