Беларусь увяла збор за экспарт сырой нафты
15- 7.01.2015, 18:11
- 20,128
У Беларусі ўведзены збор за экспарт сырой нафты.
Гэта прадугледжана ўказам кіраўніка № 655 ад 31 снежня 2014 года, які сёння апублікаваны на Нацыянальным прававым інтэрнэт-партале, піша БелаПАН.
Дакументам вызначана, што "плацельшчыкамі збору з'яўляюцца арганізацыі, якія рэалізуюць на экспарт нафту сырую, якая паходзіць з Рэспублікі Беларусь, і якія ажыццяўляюць яе вываз з тэрыторыі Рэспублікі Беларусь за межы тэрыторыі дзяржаў, з якімі заключаныя міжнародныя дагаворы аб свабодным гандлі".
Збор устанаўліваецца за адну тону нафты і разлічваецца паводле формулы з улікам сярэдняй цаны экспарту гэтай сыравіны.
Пры гэтым стаўка збору вылічаецца штомесяц і выплачваецца плацельшчыкамі ў рэспубліканскі бюджэт у далярах ЗША або еўра ў суме, вызначанай з улікам устаноўленага Нацбанкам на дзень выплаты афіцыйнага курсу беларускага рубля ў адносінах да адпаведнай замежнай валюты.
Сума збору ўключаецца плацельшчыкамі ў затраты ў вытворчасці і рэалізацыі тавараў.