У Віцебску на скрыжаванні сутыкнуліся таксі і міліцэйская машына
8- 8.01.2015, 11:16
- 12,675
Аварыя адбылася мінулай ноччу на плошчы Перамогі ў цэнтры Віцебску.
Абставіны здарэння пакуль невядомыя. Мяркуючы з фатаграфіі, сутыкненне было досыць істотным, прычым прыйшлося на пярэднюю частку аўтамабіляў. Абедзве машыны пашкоджаныя, людзі, падобна, не пацярпелі. У ДАІ вобласці адзначылі, што інфармацыі аб гэтым ДТЗ у іх няма. Гэта ўскосна пацвярджае той факт, што ў аварыі абышлося без пацярпелых.
Пра гэта ДТЗ паведаміў на форуме onliner.by карыстальнік з нікам Stiv69 (арфаграфія і пунктуацыя аўтара захаваныя): «Ішоў па горадзе Віцебску гадзіну назад, і наткнуўся на такую карціну: на плошчы Перамогі, на скрыжаванні не слаба сутыкнуліся супрацоўнікі міліцыі з работнікамі таксі , хто вінаваты - не вядома, на фота дрэнна відаць, скажу на словах - у супрацоўнікаў праваахоўных органаў моцна пашкоджанае пярэдняе правае крыло, а ў таксіста перад з пераважным пашкоджаннем правага боку і крыла, ад удару адкрыты і пакарабачаны капот».