У Чорнае мора ўвойдзе ракетны эсмінец ЗША

Ракетны эсмінец ВМС ЗША USS Porter (DDG 78) у аўторак увойдзе ў Чорнае мора.

Пра гэта паведаміла «ЕвроПравда» са спасылкай на 6-ты флот ВМС ЗША.

«USS Porter (DDG 78) увойдзе ў Чорнае мора 6 кастрычніка, каб спрыяць міру і стабільнасці ў рэгіёне», - гаворыцца ў заяве.

Як адзначаюць у 6-м флоце, аперацыі судна ў Чорным моры накіраваная на «павышэнне марской бяспекі і стабільнасці, гатоўнасці і вайскова-марскога патэнцыялу з хаўруснікамі і партнёрамі ЗША».

«Разгорнутыя вайсковыя-марскія сілы, такія як USS Porter, прадаўжаюць дэманстраваць, чаму важна быць на перадавой. Іх прысутнасць працягне ўдасканальваць нашы магчымасці і ўзаемадзеянне з хаўруснікамі і партнёрамі», - заявіў віцэ-адмірал 6-га флоту ЗША Джэймс Фога.

Раней паведамлялася, што ракетны эсмінец ВМС ЗША USS Porter (DDG 78) і румынская карвет «Мачэларыу» правялі сумесныя вучэнні ў Чорным моры.