Дапамога беспрацоўным не дацягнула да 15 даляраў

Сярэдняя сума дапамогі на аднаго беспрацоўнага ў жніўні склала 228,1 тысячы рублёў.

У пераліку паводле сярэднеўзважанаму курсу Нацбанка за жнівень дапамога складае 13,6 даляра.

За месяц дапамога беспрацоўным стала на 2100 рублёў меншай. Праз скарачэнні ў жніўні выплаты беспрацоўным вярнуліся на ўзровень траўня гэтага года, піша tut.by.

Лідарам па сярэдняй дапамозе беспрацоўным у жніўні стала Гомельская вобласць - 238 тысяч рублёў, аўтсайдарам - Віцебская вобласць (220 500 рублёў).

І хоць колькасць беспрацоўных беларусаў зніжаецца другі месяц запар, Мінпрацы прагназуе, што найбліжэйшыя 5 гадоў колькасць беспрацоўных можа падвоіцца.

На 1 верасня на 100 свабодных вакансій прыходзілася 166 беспрацоўных, якія зарэгістраваныя ў органах працы, занятасцi i сацыяльнай абароны. Для параўнання: годам раней на 100 прапаноў ад працадаўцаў даводзілася 40 чалавек. На пачатак мінулага месяца ў агульнай колькасці зарэгістраваных беспрацоўных жанчыны складалі 34%.