Урад РФ замарожвае пенсіі на 2016 год

Урад РФ афіцыйна паведаміў аб замарожванні пенсійных назапашванняў на 2016 год.

Пра пастанову распавёў кіраўнік пенсійнага фонду РФ Антон Драздоў, перадае расейская служба BBC.

"Прынятая пастанова аб замарожванні на 2016 год пенсійных назапашванняў, што паўплывала на параметры бюджэту", - цытуе кіраўніка ПФР агенцтва ТАСС.

Раней міністр фінансаў РФ Антон Сілуанаў запэўніваў, што замарожванне пенсій на 2016 год падоўжана не будзе. "У наступным годзе не прадугледжана працягу схемы гэтага года, налета ўсе сродкі паступяць у недзяржаўныя пенсійныя фонды", - сказаў Сілуанаў.

Пра тое, што замарожванне пенсійных назапашванняў ў 2016 годзе неўнікнёнае, раней казаў былы міністр фінансаў РФ Аляксей Кудрын. Таксама аб гэтай пастанове казаў кіраўнік Расейскага саюза прамыслоўцаў і прадпрымальнікаў, аднак афіцыйна пра гэта паведамляецца ўпершыню.

У 2015 годзе замарожванне пенсійных назапашванняў, паводле разлікаў мінфіна, павінна вымеркаваць для бюджэту 309 млрд рублёў (4,9 млрд даляраў ЗША). Раней намеснік міністра фінансаў РФ Аляксей Лаўроў заяўляў, што мінфін заклаў у праект бюджэту замарожванне пенсійных назапашванняў на 2016 год на суму 342,2 млрд рублёў (блізу 5,5 млрд даляраў).