Чалец выбаркаму выкрыў страшэнныя маніпуляцыі з бюлетэнямі ў Менску

Чалец Менскай гарадской выбарчай камісіі ад Партыі БНФ Зміцер Каспяровіч выкрыў маніпуляцыі з бюлетэнямі выбаршчыкаў.

Ён наважыў абысці ўчастковыя камісіі ды зверыць колькасць выдадзеных бюлетэняў выбаршчыкам і рэальную колькасць подпісаў выбаршчыкаў, якія атрымалі бюлетэні і ўласнаручна распісаліся за іх у журнале, паведамілі charter97.org у кампаніі «Права выбару - 2015».

Паводле стану на раніцу 8 кастрычніка на выбарчым участку №25 Савецкага раёна Менска было выдадзена 146 бюлетэняў, аднак распісалася ў бюлетэні ўсяго 109 чалавек.

На выбарчым участку №26 гэтага ж раёна Менска быў выдадзены 351 бюлетэнь, аднак распісалася за іх - 162 выбаршчыкі.

Раніцай 9 кастрычніка на выбарчым участку №49 Савецкага раёна Менска, за тры дні датэрміновага галасавання было выдадзена 308 бюлетэняў, аднак на раніцу ў часопісе выдачы бюлетэняў было ўсяго 170 подпісаў выбаршчыкаў.

Адзін з каардынатараў кампаніі «Права выбару-2015» Дзяніс Садоўскі мяркуе, што таму ўлада і не ўключае ў склад камісій рознага ўзроўню прадстаўнікоў дэмакратычных партый і арганізацый, каб было цяжэй выявіць такія факты маніпуляцый з бюлетэнямі для галасавання.

- Выяўленыя парушэнні сведчаць аб тым, што чальцамі ўчастковых выбарчых камісій штучна завышаецца прыход выбаршчыкаў і адбываецца ўкідванне бюлетэняў, - кажа Дзяніс Садоўскі.