Рассельгаснагляд зноў заклапочаны кантрабандай з Беларусі

Бесперапынны паток кантрабанды з Беларусі выліваецца ў несупынную заклапочанасць Рассельгаснагляду.

Пра гэта гаворыцца ў паведамленні прэс-службы ўстановы.

«За апошнія некалькі месяцаў рэзка ўзрасла рызыка дэстабілізацыі фітасанітарнай і харчовай бяспекі Расеі, звязаны з паступленнем з тэрыторыі Беларусі падкаранціннай прадукцыі ў фітасанітарным дачыненні», - гаворыцца ў паведамленні.

Неаднаразова адзначана, што ва ўмовах дзеючага ў Расеі харчовага эмбарга Беларусь стала экспарцёрам даволі значных аб'ёмаў падкаранціннай прадукцыі, у тым ліку якая раней не пастаўлялася ў Расею і не характэрнай для краін «экспарцёраў» гэтай прадукцыі. Такая тэндэнцыя назіраецца як у дачыненні да плодаагародніннай прадукцыі, так і ягадных культур і экзатычнай садавіны, адзначаюць ва ўстанове.

Рассельгаснагляд прааналізаваў звесткі мытнай статыстыкі ФМС Расеі і прыйшоў да высновы пра «рэзка ўзрослыя больш чым у дзесяць разоў аб'ёмы падкаранціннай прадукцыі, якая паступае з Беларусі ў Расею». У расейскай установе канстатавалі: «Дзейнасць сістэмы фітасанітарнага кантролю ў Беларусі ўжо прывяла да таго, што ў Расею сістэматычна паступае беларуская ягада (клубніцы, ажына і маліна) па марфалагічных і сезонных прыкметах, якая мае статус паходжання з трэціх краін, грыбоў у суправаджэнні падробленых фітасанітарных сертыфікатаў Марока і Турцыі і рэдзькі паходжаннем ПАР, краін якія раней не пастаўлялай гэтую прадукцыю ў Расею».

«Разам з тым, маніторынгавыя мерапрыемствы ў рамках забеспячэння бяспекі Расейскай Федэрацыі, якія праводзяцца са жніўня 2014 года, у 1010 выпадках прадухілілі ўвоз з Беларусі ў Расею падкаранціннай прадукцыі агульным аб'ёмам 13,6 тысячы тон, якая патрапіла пад харчовае эмбарга, - сказана ў афіцыйным паведамленні. - На жаль, мерапрыемствы, якія праводзяцца беларускім бокам па пацвярджэнню сапраўднасці фітасанітарных сертыфікатаў, якія суправаджаюць падкаранціннай прадукцыі ў Расею, не прыносяць жаданых вынікаў».

Рассельгаснагляд указаў на факты, якія дазваляюць зрабіць выснову аб тым, што суправаджэння падкаранціннай прадукцыі, якая паступае ў Расею ў суправаджэнні беларускіх рээкспартных сертыфікатаў з дадаткам падробленых фітасанітарных сертыфікатаў больш за дзесятак краін носяць «сістэмны характар».