Дональд Туск пра збіты Су-24: Трэба захоўваць спакой
2- 24.11.2015, 18:03
- 14,780
Пасля інцыдэнту са збітым расейскім бамбавіком Су-24 у паветранай прасторы Сірыі ўсе бакі павінны ўстрымлівацца ад рэзкіх дзеянняў.
Пра гэта прэзідэнт Еўрапейскай рады Дональд Туск напісаў у Twitter.
"У гэты небяспечны момант, пасля таго, як быў збіты расейскі самалёт, усе павінны заставацца стрыманымі і спакойнымі", - напісаў Туск.
In this dangerous moment after downing of Russian jet, all should remain cool headed and calm
— Donald Tusk (@eucopresident) 24 ноября 2015
Сёння раніцай над Сірыяй быў збіты франтавы бамбавік Су-24 расейскай авіягрупы. Паводле звестак турэцкіх уладаў, расейскі самалёт, перш чым яго збіў турэцкі знішчальнік F-16, не рэагаваў на папярэджанні, паведамляе "ЕвроПравда".
Самалёт упаў у сірыйскай правінцыі Латакія блізу мяжы з Турцыяй, дзе базуецца расейская авіяцыя. Пілот і штурман катапультаваліся.
Раней СМІ паведамілі, што сірыйскія туркі захапілі аднаго з пілотаў. Расейскія вайсковыя гелікоптэры праводзяць пошукі пілотаў.
СМІ паведамілі, што адзін з пілотаў збітага турэцкімі вайскоўцамі расейскага бамбавіка Су-24 загінуў.
Турэцкія вайскоўцы паказалі звесткі радыёлакатара, якія сведчаць аб тым, што расейскі бамбавік Су-24 парушыў паветраную прастору Турцыі.