Бабруйскі хакер прысуджаны да 10 гадоў за пакупкі па чужых картках

Жыхар Бабруйска быў абвінавачаны ў крадзяжы маёмасці ў асабліва значным памеры групай асоб паводле папярэдняй змовы з выкарыстаннем кампутарнай тэхнікі.

Пра гэта БелТА паведаміў галоўны спецыяліст аддзела статыстыкі і судовай практыкі Магілёўскага абласнога суда Эдуард Фядотаў.

Як выяўлена судом, абвінавачваны цягам трох гадоў (з 2011 да 2013 года) уваходзіў у склад транснацыянальнай групы асоб, якая дзейнічала з папярэдняй змовы. Яна займалася злачынным бізнэсам - крадзяжом маёмасці шляхам выкарыстання кампутарнай тэхнікі, несанкцыянаваным доступам да камп'ютэрнай інфармацыі аб банкаўскіх карт-рахунках і рэквізітах банкаўскіх плацежных карт (БПК). У ліку неправамерных дзеянняў групы і завалоданне кампутарнай інфармацыяй аб рэквізітах БПК, канфідэнцыйных звестках і персанальных звестках трымальнікаў БПК, якая прывяла да прычынення істотнай шкоды.

Абвінавачаны пры здзяйсненні пакупак тавараў, аплаты паслуг розных электронных сэрвісаў у замежных інтэрнэт-крамах неправамерна выкарыстаў атрыманыя ім рэквізіты карт, эмітаваных банкамі ЗША і Нямеччыны, якія ўваходзяць у міжнародныя аплатныя сістэмы Visa, MasterCard, American Express, на імёны замежных грамадзян (трымальнікаў БПК), учыніўшы крадзеж на агульную суму больш як Br1,6 трлн. Крадзеж грашовых сродкаў бабруйскі хакер учыняў з мэтай аплаты тавараў (паслуг) у інтэрнэт-крамах для ўласных патрэб, а таксама для рэалізацыі аплатных у іх тавараў (паслуг) на карысць трэціх асоб, для атрымання ад такіх пакупнікоў аплаты за тавары ў выглядзе гатоўкі і электронных грашовых сродкаў.

Размяшчаючы аб'явы на спецыялізаваных форумах у інтэрнэце, бабруец знаходзіў кліентаў, якім прапаноўваў пасярэдніцтва пры замове цікавых для іх тавараў у інтэрнэт-крамах. Гэта значыць, фактычныя пакупнікі тавараў, якія звярталіся да паслуг абвінавачанага, не былі дасведчаныя аб ягонай злачыннай дзейнасці. Мужчына прыцягваў іх значнымі зніжкамі, якія надаваў у выпадку выкарыстання ягоных паслуг.

Дзейнасць абвінавачанага, накіраваная на крадзеж маёмасці ў выглядзе грашовых сродкаў, шляхам выкарыстання кампутарнай тэхнікі, таксама вядомая як рэчавы кардынг, з'яўлялася ягоным злачынным бізнэсам, адзінай і сталай крыніцай даходу. Такім чынам, ён у перыяд з 28 траўня 2011 года да 18 снежня 2013 года, знаходзячыся на тэрыторыі Беларусі ды Расеі, дзейнічаючы групай асоб з папярэдняй змовы з іншымі саўдзельнікамі, учыніў не менш за 222 эпізоды крадзяжоў маёмасці шляхам выкарыстання кампутарнай тэхнікі.

Прысудам суда мужчына прызнаны вінаватым у крадзяжы маёмасці шляхам увядзення ў кампутарную сістэму хлуслівай інфармацыі, звязанай з несанкцыянаваным доступам да камп'ютэрнай інфармацыі, учыненым групай асоб з папярэдняй змовы, у асабліва значным памеры. На падставе ч.4 арт.212 КК Беларусі яму прызначанае пакаранне ў выглядзе 9 гадоў пазбаўлення волі з канфіскацыяй маёмасці без пазбаўлення права займаць пэўныя пасады або займацца пэўнай дзейнасцю.

Таксама ён прызнаны вінаватым у несанкцыянаваным доступе да інфармацыі, якая захоўваецца ў кампутарнай сістэме, што суправаджаўся парушэннем сістэмы абароны (несанкцыянаваным доступам да кампутарнай інфармацыі), учыненым з карыслівай і іншай асабістай зацікаўленасці, групай асобаў з папярэдняй змовы. На падставе ч.2 арт.349 КК Беларусі яму прызначанае пакаранне ў выглядзе 1 года пазбаўлення волі.

Акрамя таго, бабруйца абвінавацілі ў іншым неправамерным завалоданні інфармацыяй, якая захоўваецца ў кампутарнай сістэме, сетках і на машынных носьбітах, што пацягнула прычыненне істотнай шкоды. На падставе арт.352 КК Беларусі яму прызначана пакаранне ў выглядзе 2 гадоў пазбаўлення волі.

У адпаведнасці з ч.3 і ч.6 арт.72 КК Беларусі, шляхам частковага складання асноўных пакаранняў з далучэннем да канчаткова прызначанага асноўнага пакарання дадатковага пакарання, абвінавачанаму канчаткова прызначанае пакаранне ў выглядзе 10 гадоў пазбаўлення волі з адбываннем у папраўчай калоніі ва ўмовах ўзмоцненага рэжыму з канфіскацыяй маёмасці.