Эмблемай саміту NATO ў Варшаве стала русалка з мячом
3- 2.12.2015, 10:27
- 20,089
Генеральны сакратар NATO Енс Столтэнбэрг і кіраўнік МЗС Польшчы Вітольд Вашчыкоўскі падалі афіцыйную эмблему саміту альянсу ў Варшаве, які адбудзецца ў ліпені 2016 года.
Пра гэта гаворыцца ў паведамленні на сайце NATO, піша «Европейская правда».
На прэзентацыі таксама прысутнічалі кіраўнікі МЗС краін альянсу.
Эмблема змяшчае сучасную стылізаваную выяву Варшаўскай русалкі - эмблемы польскай сталіцы.
«Легенда кажа, што пасля таго як русалку выратавалі мясцовыя рыбакі, яна з мячом і шчытом выказала гатоўнасць абараняць жыхароў горада. Гэтак жа і NATO сёння гатовы абараняць народ Польшчы і народы нашых хаўруснікаў», - сказаў Столтэнбэрг.
На саміце ў Варшаве кіраўнікі дзяржаў-сябраў NATO павінны намеціць курс альянсу для адаптацыі да новых умоў бяспекі.
