Лукашэнка: Кабякоў пачаў пускаць пыл у вочы

Дыктатар незадаволены учорашнім візітам прэм'ер-міністра Кабякова на менскі завод «Камволь» і абяцае сам туды «нечакана» прыехаць.

Аляксандр Лукашэнка сёння падчас даклада аб сітуацыі на ААТ «Камволь» патлумачыў, чаму напярэдадні ён наважыў не ездзіць на прадпрыемства.

Дыктатар адзначыў, што гэта было зроблена наўмысна. «Не паехаў, таму што міністр пачаў займацца там ашуканствам. І для таго, каб паказаць цягам аднаго-двух дзён працу прадпрыемства, сабраў усё, што можна, з міністэрства, з канцэрна, завёз туды сыравіну для таго, каб на дзень-два запусціць машыны, а па ад’ездзе Лукашэнкі, напэўна, паспяхова іх спыніць», - сказаў Аляксандр Лукашэнка, піша карэспандэнт БелТА.

Аляксандр Лукашэнка паабяцаў, што яшчэ наведае ААТ «Камволь», прычым нечакана.

Нагадаем, што прэм'ер-міністр Беларусі Андрэй Кабякоў наведаў учора ААТ «Камволь», каб праверыць, ці трэба выдаваць дадатковыя сродкі на заканчэнне «мадэрнізацыі» прадпрыемства.

Мадэрнізацыя ААТ «Камволь» доўжыцца на ўказ Лукашэнкі ад 14 лістапада 2013 №510. Як паведаміла кіраўніцтва прадпрыемства, паводле стану на 20 лістапада 2015 года на папаўненне абарачальных сродкаў былі выдаткаваныя сродкі крэдытнай лініі ААТ «АСБ Беларусбанк» сумай 3,5 млн.