Wall Street Journal: У Захаду ёсць моцная стратэгія, каб спыніць Пуціна

Заснавальнік і гендырэктар Evercore, былы намеснік міністра фінансаў ЗША Роджэр Олтман заявіў, што Расею можна спыніць без адзінага стрэлу.

У артыкуле для The Wall Street Journal эксперт адзначыў, што існуе варыянт, пры якім валютны або банкаўскі калапс пакладзе канец нармальнаму функцыянаванню любой краіны, паведамляе «Газета.Ru».

Як адзначае Олтман, абвастрэнне сітуацыі ва Украіне прымусіла многіх прыйсці да высновы аб тым, што Расею не спыняць ні эканамічныя санкцыі, ні дыпламатычныя перамовы, і цяпер раздаецца ўсё больш галасоў аб пастаўках Кіеву зброі. Аднак у арсенале ў Захаду ёсць больш моцная стратэгія, якая магла б пакласці канец украінскаму крызісу і перашкодзіць далейшай «авантуры» Масквы ў Прыбалтыцы ці іншых рэгіёнах, піша аўтар артыкула.

Гаворка ідзе пра тое, каб прызнаць эканамічны і фінансавы крызіс Расеі, зрабіць больш жорсткім фінансавыя санкцыі і дазволіць «камбінацыі» санкцый і сусветных рынкаў капіталу прымусіць Маскву адступіць, заяўляе Олтман. З ягоных слоў, гэтыя фінансавыя рынкі з'яўляюцца цяпер самай магутнай сілай у свеце, яны значна мацнейшыя за любое войска або запас зброі. Яны таксама здольныя прывесці да зменаў, якіх ніколі не зможа дамагчыся дыпламатыя або зброя, дадае эксперт.

Цяперашнія санкцыі з'яўляюцца эфектыўнымі і ў прамым, і ў пераносным сэнсе, адзначаецца ў артыкуле. У першым выпадку гэтыя захады забараняюць расейскім дзяржбанкам і карпарацыям працаваць у Еўропе ці Амерыцы, у другім - яны звяртаюць рынкі капіталу супраць Расеі, тлумачыць Олтман. Расея - не Паўночная Карэя, Масква з'яўляецца паўнавартасным удзельнікам сусветных фінансавых рынкаў, падкрэслівае эксперт. Ён звяртае ўвагу, што існуе варыянт, калі валютны або банкаўскі калапс пакладзе канец нармальнаму функцыянаванню любой буйной краіны, і менавіта таму Вашынгтону і Брусэлю варта прадоўжыць узмацненне жорсткасці захадаў супраць Масквы. У Расеі няма метадаў супрацьстаяць санкцыям, тады як патэнцыял вайсковага рэагавання ў яе ёсць, паказвае Олтман.