Пентагон паведаміў аб дзесяці расейскіх батальёнах на мяжы з Украінай
9- 11.02.2015, 18:40
- 33,873
Акрамя таго, у раёне Дэбальцава зафіксаванае «наўпроставае вайсковае ўмяшанне» расейскіх войскаў.
Ля ўсходняй мяжы Украіны размяшчаюцца дзесяць расейскіх батальёнаў.
Пра гэта заявіў начальнік амерыканскіх сіл у Еўропе Бэн Ходжэс падчас свайго візіту на базу NATO ў горад Шчэцін на паўночным захадзе Польшчы, піша РБК.
Акрамя таго, cа слоў Ходжэса, якога цытуе Reuters, каля Дэбальцава ў Данецкай вобласці зафіксаванае «наўпроставае вайсковае ўмяшанне» расейскіх войскаў. «Зважаючы на колькасці боепрыпасаў і тып [выкарыстоўнага вайсковага] абсталявання цалкам відавочна, што каля Дэбальцава праходзіць наўпроставае вайсковае ўмяшанне з боку Расеі», - сказаў ён. Калі наступ (на ўкраінскае войска) будзе паспяховым, расейскія войскі могуць пасля сфакусавацца на Марыупалі, выказаў здагадку Ходжэс.