20 лютага Украіна будзе святкаваць Дзень герояў Нябеснай сотні
8- 11.02.2015, 22:01
- 8,537
Ва Украіне штогод 20 лютага будуць ушаноўваць Дзень Герояў Нябеснай Сотні.
Адпаведны ўказ "Аб увекавечванні гераізму ўдзельнікаў Рэвалюцыі годнасці і ўшанавання памяці Герояў Нябеснай Сотні" прэзідэнт Украіны Пётр Парашэнка падпісаў 11 лютага, паведамляе "Украінская праўда" са спасылкай на прэс-службу кіраўніка дзяржавы.
У паведамленні сказана, што грамадзяне, якія аддалі сваё жыццё падчас падзей на Майдане, абаранялі ідэалы дэмакратыі, баронячы правы і свабоды чалавека, еўрапейскую будучыню Украіны".
Кабінету міністраў даручана з залучэннем грамадскасці распрацаваць і зацвердзіць план імпрэзаў, прадугледзеўшы, стварэнне ў Кіеве музея Рэвалюцыі годнасці, правядзенне пошукавых работ для збору дакументальных, фота-, відэа - ды іншых матэрыялаў, якія асвятляюць гэтыя падзеі.
Фота з архіву obozrevatel.com