Партрэт беларускі на футболках Benetton прадаецца ва ўсім свеце (Фота)

Самая гераіня Саша Аблогіна - адная з самых запатрабаваных за мяжой беларускіх мадэлек - даведалася пра гэта толькі днямі.

І купіла футболку са сваёй выявай у адной з менскіх сеткавых крам.

- Пра тое, што маё фота змясціла на адную са сваіх футболак гэтага сезона кампанія Benetton, мне распавяла мая сяброўка, якая выпадкова выявіла гэта падчас шопінгу, - распавяла «Салiдарнасцi» Саша. - Высветлілася, што быў выкарыстаны здымак з маёй фотасесіі для часопіса Icon (аўтарам з'яўляецца Алена Ярышава). Я прыемна здзівілася, і накіравалася ў адную з менскіх крам Benetton, каб купіць і сабе такую футболку на памяць. Забрала адную з апошніх. І не – прадавачка мяне не пазнала.