Гомельцаў просяць даказваць на суседзяў

Зрабіць гэта можна праз СМС-паведамленне.

Аддзел ідэалагічнай працы, культуры ў справах моладзі Гомельскага гарвыканкама просіць гомельцаў дасылаць інфармацыю, якая тычыцца сферы дзейнасці назіральных камісій, паведамляе БелаПАН.

Зрабіць гэта можна праз СМС-паведамленне на кароткі нумар 142, паказаўшы пры гэтым код раёна, аб якім ідзе гаворка, паставіўшы пачатковую літару: "Ж" (Чыгуначны), "Н" (Навабеліцкі), "З" (Савецкі), "Ц" (Цэнтральны).

У аддзеле ідэалогіі ўдакладнілі: пад кантроль назіральных камісій трапляюць грамадзяне, старэйшыя за працаздольны ўзрост, якія пражываюць адныя, інваліды I-II непрацоўных груп, шматдзетныя сем'і, сем'і, якія выхоўваюць непаўналетніх дзяцей, што знаходзяцца ў сацыяльна небяспечным становішчы, асобы, якія вядуць асацыяльны лад жыцця.

"Асноўнымі задачамі камісій з'яўляюцца выяўленне і прыняцце захадаў для ліквідацыі парушэнняў бяспекі жыццядзейнасці грамадзян, выяўленне і прафілактыка правапарушэнняў і злачынстваў, выключэнне фактаў неналежнага догляду за дзецьмі, прыянне ў працаўладкаванні, кансультацыя грамадзян аб пытаннях, якія іх цікавяць", - адзначаюць у гарвыканкаме.