Апублікаванае відэа вываду ўкраінскіх вайскоўцаў з Дэбальцава
8- 18.02.2015, 18:31
- 43,325
Частку ўкраінскіх вайскоўцаў удалося вывесці з атачэння ў раёне Дэбальцава.
СМІ апублікавалі відэа вываду ўкраінскіх вайскоўцаў і тэхнікі з Дэбальцава. Вайскоўцаў вывозяць на грузавіках у бок Арцёмаўска, піша zn.ua.
"Вельмі моцныя абстрэлы. Мы памаліліся ўсе. Ужо сто раз усе развіталіся з жыццём. У іх вельмі вялікая, моцна добрая артылерыя", - каментуе сітуацыю ў Дэбальцаве адзін з вайскоўцаў.
Раней прэзідэнт Украіны Пётр Парашэнка перад ад'ездам у зону АТА зрабіў заяву, згодна з якой Узброеныя сілы Украіны праводзяць планавы арганізаваны адвод падраздзяленняў з Дэбальцава. Са слоў прэзідэнта, блізу 80% асабовага складу адтуль ужо выведзена. Пры гэтым, інфармацыя, дадзеная Парашэнку, не адпавядае заявам некаторых афіцэраў АТА. У сераду стала вядома, што ўкраінскія войскі пачалі прарывацца з атачэння пад Дэбальцавам. Раней, прарвацца ўдалося не ўсім.