У каталікоў пачаўся Вялікі пост
- 18.02.2015, 19:20
- 6,303
18 лютага ў Каталіцкай царкве Папяльцовая серада, якой пачынаецца Вялікі пост.
У гэты дзень у касцёлах падчас Імшы здзяйсняюць абрад пасыпання галавы попелам, які нагадвае, што чалавек - прах. Таксама абрад з'яўляецца знакам пакаяння, прымірэння з Богам праз скруху сэрца, піша БелаПАН.
У Папяльцовую сераду католікі трымаюць строгі пост, многія праводзяць гэты дзень толькі на хлебе і вадзе.
Вялікі пост будзе доўжыцца 40 дзён, за выключэннем нядзель, калі пост перарываецца.
Вялікдзень у 2015 годзе каталікі адзначаць 5 красавіка.