Больш за 90 украінскіх жаўнераў патрапілі ў палон баевікоў у Дэбальцаве

Больш за 90 вайскоўцаў Узброеных сіл Украіны патрапілі ў закладнікі на адным з участкаў фронту на Дэбальцаўскім плацдарме.

Пра гэта паведамляе прэс-служба Генеральнага штаба УСУ.

"Сёння баевікі, не маючы магчымасці заявіць пра свае ваенныя поспехі ў баях з УСУ, вяртаюцца да чарговай правакацыі - дэманстрацыі ўкраінскіх вайскоўцаў, якія ў баях патрапілі ў палон ворага. У інфармацыйнай вайне праціўнік значна завышае колькасць загінулых і трапіўшых у палон украінскіх вайскоўцаў", - падкрэслілі ў Генштабе.

Пры гэтым паведамляецца, што "ўступіўшы ў бой з няроўнымі сіламі праціўніка на адным з участкаў фронту на Дэбальцаўскім плацдарме, у палон патрапілі больш за 90 вайскоўцаў УСУ".

Акрамя таго, Генеральны штаб на сёння займаецца пошукамі 82 байцоў, месцазнаходжанне якіх цяпер невядомае. "Для правядзення вышуку зніклых без вестак прыцягнутыя пэўныя сілы, акрамя таго, мы звярнуліся па дапамогу да прадстаўнікоў Назіральнай місіі АБСЕ, удзельнікаў Агульнага цэнтра кантролю за лініяй размежавання бакоў, іншых дзяржаўных і няўрадавых арганізацый", - сказана ў паведамленні.

Паводле апошніх звестак, пры адыходзе ад Дэбальцава ўкраінскія вайскоўцы затрымалі некалькі дзясяткаў баевікоў, якія цяпер даюць паказанні што да супрацьзаконнай дзейнасці ў складзе тэрарыстычных фармаванняў, піша liga.net.

"На жаль, падчас перадыслакацыі ў выніку шквальнага агню расейскай артылерыі, мы страцілі 13 вайскоўцаў, 157 атрымалі раненні рознай ступені цяжкасці. Пераважная большасць нашых вайскоўцаў накіраваная ў вайсковыя лячэбныя ўстановы, дзе цяпер атрымлівае кваліфікаваную медыцынскую дапамогу", - сказана ў паведамленні.

Фота: AP