Фотафакт: Менчукам «раздаюць» валюту

Жыхары сталіцы аб праблемах у эканоміцы краіны.

Фота даслаў у рэдакцыю charter97.org чытач. На адных з дзвярэй станцыі метро «Інстытут Культуры» з'явілася аб'ява: «Праблемы з гатоўкай? Вазьмі колькі трэба і не парся», дзе прапанавана адарваць колькі заўгодна «грошай».

Нагадаем, снежань-студзень сталіся вельмі стрэсавымі для беларусаў - як для радавых грамадзян і бізнэсу, так і для высокапастаўленых чыноўнікаў. Увядзенне 30-працэнтнага збору пры куплі валюты, або так званая «недэвальвацыя», забарона юрыдычным асобам купляць валюту на пазабіржавым рынку, недахоп валюты ў абменніках, замарожванне коштаў, паэтапнае скасаванне збору і нарэшце ўзаконьванне 30-адсоткавай дэвальвацыі з далейшым абрынаннем беларускага рубля да адзнакі мінус 38% зрабілі ў Беларусі Новы год.