Вечар памяці Алеся Адамовіча прайшоў у Менску
- 2.02.2015, 15:54
- 4,095
Саюз беларускіх пісьменнікаў і Беларускі ПЭН-цэнтр правялі ў Менску вечар памяці пісьменніка і грамадскага дзеяча Алеся Адамовіча.
На сустрэчы адбылася прэзентацыя новых выданняў: «Выбранае» (выдавецтва «Беларускі кнігазбор»), «Дзень беларускай салідарнасці» («Папуры») з ілюстрацыямі Арлена Кашкурэвіча, «Блакадная кніга» («Лениздат»), «Khatyn/Хатынская Аповесць» (Glagoslav Publicаtions , Лондан), паведамляе БелаПАН.
Алесь Адамовіч - беларускі пісьменнік, сцэнарыст, літаратуразнаўца, доктар філалагічных навук (1962), прафесар (1971), чалец-карэспандэнт АН БССР (1980).
У 1989 стаў народным дэпутатам СССР ад Саюза кінематаграфістаў СССР, уваходзіў у Міжрэгіянальную дэпутацкую групу. Актыўна падтрымліваў стварэнне Беларускага Народнага Фронту і ягоныя ініцыятывы. Быў сустаршынём грамадскай рады гісторыка-асветнага таварыства «Мемарыял».
Фота: БелаПАН