Міліцыя затрымала ў Кіеве беларуса з гранатай

Міліцыя затрымала ўначы 2 лютага ў Абалонскім раёне Кіева грамадзяніна Беларусі, які пагражаў мінакам гранатай.

Пра гэта гаворыцца ў паведамленні прэс-службы МУС Украіны.

«Сёння, 2 лютага, каля 1 гадзіны ночы па вул. Цімашэнкі ў г. Кіеве супрацоўнікі нараду патрульнай службы Абалонскай раённай управы сталічнага ГУМВД затрымалі мужчыну ў стане алкагольнага ап'янення. Ён пагражаў мінакам гранатай «Ф-1», якую трымаў у руцэ ў баявой гатоўнасці (без чакі). Старэйшы патрульнага нараду адабраў у правапарушальніка гранату і затрымаў яго. Пасля гэтага міліцыянт вывеў гранату са стану баявой гатоўнасці - уставіў у яе знойдзеную ахоўную чаку», - сказана ў паведамленні.

Затрыманы прадставіўся 32-гадовым грамадзянінам Рэспублікі Беларусь. Ён таксама заявіў, што з'яўляецца вайскоўцам батальёна «Айдар», аднак адпаведныя дакументы прадставіць не змог. Праваахоўнікі высветлілі, што з лістапада мінулага года мужчына знаходзіцца на радзіме ў вышуку як без вестак прапаўшы, піша «РБК-Україна».