Расея забароніць дзяржаўныя закупкі імпартнай будаўнічай тэхнікі
22- 2.02.2015, 17:34
- 20,163
Урад РФ забараніў дзяржзакупкі імпартнай будаўнічай, горнаруднай і камунальнай тэхнікі для падтрымкі «імпартазамяшчэння».
Пра гэта заявіў прэм'ер-міністр краіны Дзмітрый Мядзведзеў, піша «Коммерсант».
Віцэ-прэм'ер Аркадзь Дварковіч удакладніў, што забарона, аналагічная прынятай у сярэдзіне мінулага года забароне дзяржзакупак імпартных аўтамабіляў, будзе дзейнічаць для тэхнікі з усіх краін, акрамя краін Еўразійскага эканамічнага саюза.
«Мы разлічваем, што гэта надасць дадатковы імпульс імпартазамяшчэнню. У кожным тыпе тэхнікі ёсць узоры расейскай прадукцыі, няма такіх тыпаў, у якіх узнікне дзірка», - сказаў Дварковіч.
Раней прэм'ер-міністр Расеі Дзмітрый Мядзведзеў на сустрэчы з віцэ-прэм'ерамі заявіў, што падпісаў дакумент аб забароне на імпарт тавараў машынабудавання для дзяржаўных і муніцыпальных патрэб.