Парашэнка ўвёў у дзеянне пастанову РНБА аб агрэсіі Расеі

Кабінету міністраў Украіны і ведамствам даручана ўжыць шэраг неадкладных захадаў у пераадоленні наступстваў сітуацыі ў Данбасе і прызнанні «ДНР» і «ЛНР» тэрарыстамі.

Пётр Парашэнка падпісаў указ «Аб увядзеннi ў дзеянне пастановы Рады нацыянальнай бяспекі і абароны Украіны (РНБА) ад 25 студзеня 2015 года «Аб надзвычайных захадах процідзеяння расейскай пагрозе і праявам тэрарызму, падтрыманага Расейскай Федэрацыяй». Пра гэта ідзе гаворка ў паведамленні прэс-службы кіраўніка ўкраінскай дзяржавы, піша «Лiга.нет».

Як адзначаецца ў паведамленні, згодна з пастановай РНБА, Кабінету міністраў Украіны даручана неадкладна зрабіць захады ў аказанні дапамогі пацярпелым ад тэрарыстычных актаў на тэрыторыі Данецкай і Луганскай абласцей, перш за ўсё мірным жыхарам горада Марыупаля.

Ураду даручана распрацаваць шэраг законапраектаў, прынамсі, ва ўдасканаленні складу, функцый і паўнамоцтваў Антытэрарыстычнага цэнтра пры Службе бяспекі Украіны, а таксама аб увядзенні крымінальнай адказнасці за злачынствы супраць чалавечнасці.

Ураду даручана ўжыць з удзелам Нацыянальнай рады Украіны ў пытаннях тэлебачання і радыёвяшчання неадкладныя захады ў спыненні расейскай інфармацыйнай агрэсіі, што праводзіцца з выкарыстаннем замежных і айчынных сродкаў масавай інфармацыі.

Таксама Кабінет міністраў разам з мясцовымі дзяржаўнымі адміністрацыямі ў двухтыднёвы тэрмін павінен вызначыць і забяспечыць уладкаванне месцаў для часовага размяшчэння людзей, эвакуяваных з асобных тэрыторый Данецкай і Луганскай абласцей.

Службе бяспекі Украіны, прынамсі, даручана актывізаваць інфармацыйна-тлумачальную працу з мэтай нейтралізацыі небяспечнага ўплыву Расейскай Федэрацыі на грамадска-палітычную сітуацыю ва Украіне і ў яе асобных рэгіёнах; арганізаваць разам з мясцовымі органамі выканаўчай улады ў двухтыднёвы тэрмін своечасовае і ўсебаковае інфармаванне насельніцтва Днепрапятроўскай, Данецкай, Запарожскай, Луганскай, Мікалаеўскай, Адэскай, Харкаўскай, Херсонскай абласцей і горада Кіева аб парадку дзеянняў у варунках пагрозы ўчынення тэрарыстычнага акту, у тым ліку шляхам стварэння адпаведных вэб-сайтаў, старонак у сацыяльных сетках.

МУС павінна неадкладна ўзмацніць кантроль за выкананнем парадку рэгістрацыі месца жыхарства і месца знаходжання грамадзян Украіны, іншаземцаў і асоб без грамадзянства.

Дзяржаўнай фіскальнай службе разам з дзяржслужбай фінансавага маніторынгу даручана неадкладна ўжыць дзейсныя захады ў выяўленні і ліквідацыі каналаў фінансавання тэрарызму.

РНБА прапанавала Нацыянальнай камісіі, якая праводзіць дзяржаўнае рэгуляванне ў сферах энэргетыкі і камунальных паслуг, з удзелам дзяржаўнага прадпрыемства «Энэргарынак» ужыць захады ў выключэнні з разлікаў на рынку электрычнай энэргіі прадпрыемстваў, якія вырабляюць электрычную энэргію на часова некантраляванай тэрыторыі.

Старшыням Данецкай і Луганскай абласных дзяржаўных адміністрацый даручана ўжыць комплексныя захады для забеспячэння работы аб'ектаў жыццезабеспячэння населеных пунктаў, размешчаных на падкантрольных тэрыторыях, а таксама захады ва ўзмацненні кадравага забеспячэння раённых дзяржаўных адміністрацый.

РНБА таксама прапанавала генеральнаму пракурору Украіны ўжыць захады для прызнання так званых «Данецкай народнай рэспублікі» і «Луганскай народнай рэспублікі» тэрарыстычнымі арганізацыямі.

Нагадаем, 18 лютага адбылося чарговае экстранае пасяджэнне РНБА, паводле вынікаў якога былі прынятыя пастановы ў адказ на акупацыю баевікамі і расейскімі вайскоўцамі горада Дэбальцава і парушэнні Менскіх пагадненняў.