Вайскоўцы ЗША тэстуюць мячы-разведчыкі (Відэа)
5- 21.02.2015, 17:17
- 14,488
ВМС ЗША тэстуюць аўтаномнага робата ў выглядзе сферы, здольнага плаваць у вадзе і рухацца па рознай мясцовасці, выконваючы даручаныя яму заданні.
Машына названая імем свайго стваральніка - амерыканскай кампаніі GuardBot. Першапачаткова GuardBot планавалася выкарыстоўваць для місій на Марсе, але пазней робатам зацікавіліся вайскоўцы, якія ўбачылі ў ім прыладу разведкі і аховы незнаёмай тэрыторыі, піша hi-news.ru.
Распрацоўка GuardBot вялася больш за сем гадоў. Перад інжынерамі была пастаўленая задача стварыць робата-амфібію, здольнага плаваць у вадзе з хуткасцю 6,5 км на гадзіну і перасоўвацца па рознай мясцовасці, напрыклад, па пяску і снегу з хуткасцю больш за 30 км/г, нават па нахільнай паверхні з кутом 30 градусаў.
У аснове GuardBot ляжыць тэхналогія вагальнага руху з выкарыстаннем 9-восевага стабілізатара. Рухам робата кіруе праграма, якая скіроўвае ягоны цэнтр цяжару то ўзад, то ўперад. Хараство гэтай тэхналогіі ў тым, што з яе дапамогай можна ствараць маштабуемых сферычных робатаў дыяметрам ад 10 да 300 сантыметраў.
