Азаранка: Цяпер я добра сябе адчуваю

Беларуская тэнісістка заявіла, што пасля траўмаў стала значна больш увагі надаваць свайму фізічнаму стану.

Напярэдадні ў матчы першага круга турніру ў Досе яна абыграла немку Анжаліку Кэрбэр (8) з лікам 6:0, 6:3, піша championat.com.

«Я добра сябе адчуваю цяпер. Я ніколі не спрабую зазіраць наперад, не ведаю, што здарыцца ў будучыні, але пакуль усё выдатна. Я вельмі шмат увагі надаю прадухіленню новых траўмаў і шмат працую над сваім целам, каб стаць мацнейшай. У мяне быў цэлы год, каб многае даведацца пра свой арганізм. Я паспрабую выкарыстаць гэты досвед і трохі змяню свае звычкі і звычайны распарадак. Я буду надалей старанна працаваць», - цытуе Азаранку афіцыйны сайт тура.