Страхавыя выплаты паводле старых дамоваў будуць выдавацца ў валюце

Укладзеныя да 1 сакавіка дамовы ў валюце дзейнічаюць паводле правіл, што мелі месца на момант укладання дамовы.

Пра гэта гаворыцца ў паведамленні Нацбанку.

«У мэтах павышэння даверу насельніцтва і суб'ектаў гаспадарання да нацыянальнай валюты і абароны ўнутранага спажывецкага рынку Рэспублікі Беларусь Нацыянальны банк праводзіць мерапрыемствы ў максімальным скарачэнні выпадкаў выкарыстання замежнай валюты пры правядзенні разлікаў на тэрыторыі Рэспублікі Беларусь. У сувязі з гэтым Нацыянальны банк інфармуе аб наступным.

У адпаведнасці з пастановай Праўлення Нацыянальнага банка Рэспублікі Беларусь ад 3 лютага 2015 г №47 «Аб некаторых пытаннях выкарыстання замежнай валюты, каштоўных папер і (або) плацежных дакументаў у замежнай валюце пры правядзенні валютных аперацый» з 1 сакавіка 2015 спыняецца выдача Нацыянальным банкам індывідуальных дазволаў суб'ектам валютных аперацый на выкарыстанне ў разліках з фізічнымі асобамі замежнай валюты пры:

- Вядзенні раздробнага гандлю і (або) наданні паслуг на рэспубліканскіх аўтамабільных дарогах з нумарацыяй «М», «М/Е» і ў пунктах пропуску праз Дзяржаўную мяжу Рэспублікі Беларусь;

- Вядзенні страхавой дзейнасці;

- Вядзенні турыстычнай дзейнасці;

- Рэалізацыі аўтамабільнага бензіну ўсіх марак, дызельнага паліва і звадкаванага газу.

Дазволы на правядзенне валютных аперацый, названых у падпункце 3.20 пункта 3 Інструкцыі аб парадку выдачы дазволаў на правядзенне валютных аперацый і на адкрыццё рахункаў за межамі Рэспублікі Беларусь, а таксама падачу ў банк апавяшчэнняў пры здзяйсненні валютных аперацый, звязаных з рухам капіталу, зацверджанай пастановай Праўлення Нацыянальнага банка Рэспублікі Беларусь ад 28 студзеня 2008 года №15, выдадзеныя суб'ектам валютных аперацый да 1 сакавіка 2015 года, спыняюць сваё дзеянне.

Суб'екты валютных аперацый, якія вялі да 1 сакавіка 2015 года раздробны гандаль і наданне паслуг фізічным асобам за замежную валюту ў адпаведнасці з дазволамі Нацыянальнага банка, абавязаны здаць атрыманую выручку ў замежнай валюце ў банк для залічэння на свой існы (разліковы) банкаўскі рахунак ва ўзгодненыя з банкам тэрміны», - гаворыцца ў паведамленні.

З 1 сакавіка 2015 года ў выпадку паступлення безнаяўнай замежнай валюты суб'ектам валютных аперацый ад фізічных асоб за тавары (работы, паслугі) банкі праводзяць куплю ўсёй сумы безнаяўнай замежнай валюты за безнаяўныя беларускія рублі паводле курса беларускага рубля да адпаведнай замежнай валюты, устаноўленага банкам для здзяйснення валютна-абменных аперацый з фізічнымі асобамі, з залічэннем беларускіх рублёў ад яе продажу на існы (разліковы) банкаўскі рахунак суб'екта валютных аперацый. Гэты парадак куплі неабходна адлюстраваць у дамовах паміж суб'ектам валютных аперацый і банкам.

Звяртаем увагу, што ў адпаведнасці з падпунктам 31/11 пункта 31 Правіл правядзення валютных аперацый, зацверджаных пастановай Праўлення Нацыянальнага банка Рэспублікі Беларусь ад 30 красавіка 2004 года №72, дазволенае выкарыстанне замежнай валюты паміж суб'ектамі валютных аперацый і фізічнымі асобамі пры вяртанні замежнай валюты ў выпадках змены або скасавання дамоваў. У сувязі з гэтым суб'екты валютных аперацый, якія прынялі да 1 сакавіка 2015 года ад фізічных асоб замежную валюту для аплаты тавараў (работ, паслуг), маюць права выкарыстоўваць замежную валюту пасля 1 сакавіка 2015 для вяртання гэтым фізічным асобам у выпадках змянення або скасавання ўкладзеных з імі дамоваў.

Правядзенне валютных аперацый паміж суб'ектамі валютных аперацый і фізічнымі асобамі, якія прадугледжваюць разлікі паводле дамоваў страхавання і дамоваў надання турыстычных паслуг, якія былі ўкладзеныя ў замежнай валюце і выкананне абавязацельстваў паводле якіх распачатае да 1 сакавіка 2015 года, праводзіцца ў парадку, які дзейнічаў на дату іх укладання, да выканання старанамі ўсіх абавязанняў паводле дамовы.