Бронетэхніка ЗША ўзяла ўдзел у парадзе ля мяжы Расеі

У эстонскім горадзе Нарве прайшоў парад з нагоды 97-й гадавіны незалежнасці Эстоніі.

У мерапрыемстве ўзяў удзел узвод амерыканскага Другога кавалерыйскага палка пад сцягамі ЗША, піша «Карэспандэнт» са спасылкай на The Washington Post.

Як адзначае выданне, ад тэрыторыі Расеі Нарву аддзяляе толькі рака, якая працякае ўздоўж мяжы сумежных дзяржаў. Эстонскі горад часта прыводзіцца ў якасці патэнцыйнай мішэні ў тым выпадку, калі б Расея захацела эскалацыі супрацьстаяння з Захадам на тэрыторыі краін-чальцоў NATO, піша амерыканскае выданне.