Максім Мірны з перамогі стартаваў на турніры ў Мексіцы

Матч скончыўся з лікам 6:3, 6:1.

У першым коле тэніснага турніру серыі ATP World Tour 500, які праходзіць у Акапульку (Мексіка), Максім Мірны ў пары з Віктарам Эстрэлам Бургосам падолелі трэці нумар пасеву аўстрыйца Аляксандра Пею і бразільца Бруна Суарэша, паведамляюць «Мінск-Навіны».

Нагадаем, у мінулым сезоне на турніры ў Акапульку Максім Мірны ў пары з гішпанцам Фелісіянам Лопэсам дайшлі да фіналу, дзе саступілі інтэрнацыянальнаму дуэту ў складзе Кэвіна Андэрсана (ПАР) і Мэцью Эбдэна (Аўстралія) з лікам 3:6, 3:6.